telanganaaksharam.com
Related Articles
– బీజేపీ పట్టణ అధ్యక్షులు పెద్దబుద్ధుల సతీష్ సాగర్
తెలంగాణ అక్షరం-కుత్బుల్లాపూర్ :
కొంపల్లి మున్సిపాలిటీ పరిధిలోని వివిధ కాలనీలలో ఉన్నటువంటి డ్రైనేజీ,రోడ్డు సమస్యలను పరిష్కరించాలని బిజెపి జిల్లా ఉపాధ్యక్షులు రాజిరెడ్డి ఆధ్వర్యంలో కొంపల్లి బిజెపి పట్టణ నాయకులు , పట్టణ అధ్యక్షులు పెద్దబుద్ధుల సతీష్ సాగర్ మంగళవారం మున్సిపల్ కమిషనర్ కృష్ణారెడ్డికి వినతిపత్రం ఇచ్చారు. అవని గార్డెన్ డ్రైనేజీ, పోచంపల్లి రోడ్డు లోని అపర్ణ పామ్ గ్రూవ్ నుండి రాయల్ పార్క్ వరకు రోడ్డు, దూలపల్లి, జయభేరి , ఎన్.సి.ఎల్ కాలనీలోని పలు సమస్యలను కమిషనర్ కి వివరించారు. వర్షాకాలంలో ఈ సమస్యల తీవ్రత అధికంగా ఉందని, కాలనీల ప్రజలు అనేక ఇబ్బందులకు గురవుతారని తెలిపారు. ఈ సమస్యలను యుద్ధ ప్రాతిపదికన పరిష్కరించాలని కోరారు. ఈ కార్యక్రమంలో రాష్ట్ర మహిళా మోర్చా అధికార ప్రతినిధి సరిత రావు, అసెంబ్లీ కోకన్వినర్ శివాజీ రాజు, జిల్లా ఓబీసీ ఉపాధ్యక్షులు బూర్గుబావి అశోక్, కొంపల్లి మున్సిపాలిటీ ఉపాధ్యక్షులు సూర్య ప్రకాష్, కోశాధికారి ఉప్పరి మహేందర్ సాగర్ తదితరులు పాల్గొన్నారు.
